На 30.09.2021, четврток, со почеток во 18 часот, се одржа Свечена трибина во свечената сала на СОУ “Коста Сусинов” во Радовиш по повод доделување на дипломи и признанија на учениците за нивните достигнувања во претходната учебна година, како и на нивните ментори кои трудољубиво и неуморно работеа со нив преку целата учебна 2020/21 година, и покрај тоа што наставата се одвиваше од далечина во пандемиски услови.
“За вас средното образование трае само 4 – ри години , но резултатите и постигањата се оние нешта кои траат вечно, кои го покажуваат патот и не охрабруваат.
Малку е ако кажам дека сум искрено среќен на вашите постигања, бидејќи тоа не се успеси кои се случуваат без труд, туку напротив зад секој успех предходи сериозна подготовка и темелна работа. Треба да разбереме дека само низ напредокот и личниот развој можеме да го подобриме светот, а токму вие со вашата младост и со вашите знаења го можете тоа.
Имам потреба најсрдечно да им честитам на менторите кои цело време ги водеа учениците, кои беа со нив во секој дел од денот и со нивната посветеност и труд ги остварија резултатите на кои секој од нас се радува.
Успехот на секој од вас го покажува вистинското лице на нашето училиште „Коста Сусинов“ кое покажува и умее да го следи трендот на современо образование во насока на напредок и развој. Нека овие дипломи и признанија бидат почеток и скоромен допринос за следните ваши успеси.” – директорот Гоце Лазаров им се обрати на присутните ученици и ментори.
Се доделија дипломи, признанија и пофалници на:
– сите ученици кои учествуваа на натпревари по било кој наставен предмет во учебната 2020/21 година и беа наградени и пофалени,
– сите ученици кои беа номинирани за ученици на годината I,II и III, како и тие што беа избрани за Најдобар ученик на годината за учебната 2020/21 година,
– сите ученици кои учествуваа и беа наградени на Образовното рандеву на МАССУМ во учебната 2020/21 година, Trash Fashion, Willkommen, Караманови поетски средби и литературни конкурси.
