Имате ли желба да го изучувате англискиот јазик без тешкотии и бариери на несекојдневен начин низ:
- учество во интересни вон-наставни активности
- прошетки низ Скопје и други градови во нашата земја
- посети на различни објекти и установи
- учество и одмор во младински летен камп во Струга
Како и да добиете пристап до програми и информации за студирање во САД!
Тогаш овој проект е за вас!
АПЛИЦИРАЈТЕ!
Почитувани ученици,
Од октомври 2020 година, во нашето средно општинско училиште „Коста Сусинов“, Радовиш, започнува двегодишен проект-програма за учење на англиски јазик ACCESS, финансирана од страна на Амбасадата на САД во Скопје, која ја спроведува Македонскиот центар за граѓанско образование (МЦГО Скопје).
Програмата е наменета за ученици од I, II, и III година кои имаат желба, но досега немале финансиска можност факултативно да го изучуваат англискиот јазик.
Часовите по англиски јазик ќе се одржуваат два пати неделно по два 45-минутни часа, деновите ќе ги одредите во договор со наставниците кои ќе ви предаваат. Во овој период часовите ќе се одржуваат online, а бидејќи проектот ќе трае 2 години понатаму ќе се одржуваат во нормални услови со физичко присуство.
Наставата е интерактивна, интересна и различна од секојдневните часови во училиштето.
Ќе има и активности надвор од училиштето, како и посета на одредени установи, а учениците ќе добијат пристап и до програми и информации за студирања во САД. Се планира и летен камп со учениците, како и многу посети во Скопје и други градови.
Доколку сакате да учествувате во проектот ACCESS, потребно е да аплицирате така што ќе се пријавите кај професорката што ви предава англиски јазик, а таа ќе ви даде електронски формулар за апликација кој треба да го пополните и испратите назад пополнет во WORD документ на следнава електронска пошта kostasusinovdokumenti@yahoo.com, најдоцна до 22.10.2020.
НЕ РАЗМИСЛУВАЈТЕ МНОГУ – ПРИЈАВЕТЕ СЕ ВЕДНАШ, ВЕ ОЧЕКУВАМЕ!
Вашето знаење треба секогаш да се надоградува!